Thomas & Friends: Tale of the Brave (2014) | තෝමස් සහ මිතුරන්: නිර්භීතකමේ කතන්දරය [සිංහල උපසිරැසි සමඟ] (5)

Thomas & Friends Tale of the Brave (2014)

කොහොමද ඉතින් කට්ටියට… ඔන්න ආයෙත් මම බයිස්කෝප් එකක් අරගෙන ආවා. මේ පාර මම ගෙනාවේ ඇනිමේශන් එකක්. මට මේක හොයලා දුන්නට සමීර චතුරංග සහෝට ස්තූතිවන්ත වෙනවා. මට මේක කරන්න ඉඩ ලබා දුන්නු එක ගැන රොයිලි සහෝටත් ස්තූතියි. හරි එහෙනම් අපි සලරුව පැත්තට හැරෙමු!

මේ සලරුවේ අධ්‍යක්ෂණය සිදු කර ඇත්තේ Rob Silvestri විසිනුයි. සමහරවිට මේ කථා ගැන ඔයාලා දැකලා ඇති. මේකෙ ලොකු කථා මාලාවකුත් තියෙනවා. මේක ගිය අවුරුද්දෙ නිකුත් වුණු අළුත් එකක්. දැන් කථාව පැත්තට හැරෙමු. මුලින්ම කථාවෙ ඉන්න චරිත කිහිපයක් ගැන කියන්නම් මොකද මේ කථාව බයිස්කෝප් එකෙන් ඉදිරිපත් කරන පළමු අවස්ථාව තමයි මේ.  කථාවේ තියෙන්නේ පණ තියෙන එන්ජින් ගැන. මේ එන්ජින් අයිති කෙනා (ආහ් එයා මනුස්සයෙක්) තමයි සර් ටොෆම් හැට්. එතකොට තෝමස් එයාගෙ යාළුවා පර්සි. රවට්ටන්න වගේම අනිත් අයව සරදමට ගන්න දක්ෂ බිල් සහ බෙන්, මේ කථාවෙදි නපුරු වැඩ කරන ජේම්ස්. පර්සිගෙ හොඳම මිතුරා වන ගේටර්ව මතක් කරන්නම්. මේ කථාවෙ මිනිස්සුත් ඉන්නවා කියන එකත් මතක් කරනවා. මේ කථාවේ මුල් තැන ගන්නෙ පර්සි සහ ගේටර්.

කථාව පටන්ගන්නෙ මෙන්න මෙහෙමයි. තෝමස් යනවා මැටි පාර පැත්තට. නාය යෑමක් සිද්ධ වෙන්නයි යන්නේ. කාලගුණය අඳුරුයි වැහිබරයි, මේ වෙලාවෙදි තෝමස් මහා පුදුමාකාර දෙයක් දකිනවා. ඒ මොකක්ද? හරි හරි මම කියන්නම්! තෝමස් දකිනවා යෝධ අඩිසළකුණු. ඒත් මේ දකින්නෙ අඳුරු කාලගුණයකදි නිසා මේ අඩි සලකුණුද කියලා විශ්වාසත් නෑ. තවත් ඉන්න බෑ  මැටි පාරෙ කඳු බෑවුම් කඩා ගෙන වැටෙන්න ගන්නවා. තෝමස් මොනවා කරයිද? අඩි සළකුණුද මොනවද කියලා හොයන්න ජීවිතේ නැති කරගනියිද? තෝමස්ට ජීවිතේ බේරගෙන යන්න පුළුවන් වෙයිද? ඇත්තටම මේ අඩි සළකුණුද?

ගොඩක් ලස්සන කථාවක් තමයි මේක. මේක බලලා ලොකු පොඩි කාටත් නිර්භීතකම ගැන ලොකු පාඩමක් ඉගෙන ගන්නත් පුළුවන් වෙයි. තව ගොඩාක් විස්තර කියන්න පුළුවන් හැබැයි ඉතින් එතකොට බලනකොට රසයක්, කුතුහලයක් නැති වෙන නිසයි නොකියා ඉන්නෙ. මෙකෙ තියෙන හොඳ කියමන් දෙකක් කියන්නම්…

“ප්‍රශ්ණවලින් පැනලා දුවන එක
ලොකු නිර්භීතකමක් නෙමෙයි, පර්සි.”

“නිර්භීත වෙන එක භය නැති වෙන දෙයක් නෙමෙයි. නිර්භීත වෙනවා කියන්නේ ඔයා ඒවා කරන එක, ඔයාට භය හිතෙන දේවලුත් කරන එක.”

එහෙනම් බයිස්කොප් එකට එන යන හැමෝටම ජය! ඊළඟ උපසිරසෙන් ළඟදිම හමු වෙමු!


උපසිරැසි ගැනීම සඳහා මෙතනින් පිවිසෙන්න…


Advertisements

අදහසක් දෙමු.

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )