Woman in Gold (2015) | ස්වර්ණමය කාන්තාවගේ චිත්‍රය [සිංහල උපසිරැසි සමඟ] (8)

Woman in Gold (2015)

කොහොමද යාළුවනේ… කට්ටියට මාව මතකද මන්දා? ඔන්න මාත් කාලෙකට පස්සෙ හොඳ නාට්‍යමය සලරුවකට උපසිරස යෙදුවා. මේක ඉතිහාසයේ සිදුවුණ සත්‍ය කථාවක්. මේක කරන්න වෙන් කරලා දෙන්න උදව් කරපු හැමදාම මතක් කරන සමීර චතුරංග සහෝව අදත් මතක් කරනවා. ඒ වගේම මේක කරන්න ඉඩ දුන්නට රොයිලි සහෝටත් ස්තූතියි. මේක කරන්න ටිකක් විතර අමාරු වුණා. මොකද මේකේ ජර්මන් භාෂාව ගොඩක් තිබුණා වගේම නීතිඥයො භාවිත කරන වචන තිබුණා වගේම සමහර කාල රේඛා හදලා තිබුණේ නැහැ ඒවත් හදන්න වුණා. ඒ නිසා අඩුපාඩු තිබුණොත් සමාවෙන්න ඕණේ. හරි දැන් සලරුව පැත්තට හැරෙමු.

මේ සලරුව අප්‍රේල් මාසේ 10 නිකුත් වුණූ අළුත් එකක්. කට්ටියට මතකද Helen Mirren ව, මතක නැද්ද එහෙනම් මතකද The Hundred Foot Journey ඒකෙ හිටිය මැඩම් මැලෝරි. එහෙම කිව්වම මේක බැලුව අයට මතක් වෙන්නැතිනේ. එයා තමයි මේකෙත් ප්‍රධාන චරිතේ. මේ කථාව අධ්‍යක්ෂණය කරලා තියෙන්නේ Simon Curtis විසින්. මේක රචනා කරලා තියෙන්නේ Alexi Kaye Campbel වගේම, තමන්ගේ ජීවිතේ සත්‍ය අත්දැකීම කිව්වේ රැන්ඩෝල් ෂෝන්බර්ග් සහ මරීයා ඕල්ට්මන්. මේකේ Budget එක $ මිලියන 11 ක් වන අතර Box office වාර්ථාව $ මිලියන 48.8 ක් වනවා.

මතකයි නේද හිට්ලර්ගේ නාට්සිවාදය? හිට්ලර් ඉන්න චිත්‍රපට බලලා ඇති නේ. මේ කථාව ඒ කාලෙට ඔබව ජීවමානවම ගෙනියයි. ඒ කාලෙදි මිනිස්සුන්ගේ චිත්‍ර, දේපළ ඔවුන් බලෙන්ම අරගත්තා. මිනිස්සුන්ට සැළකුවේ දරුණු විදිහට, හිංසා, පීඩා කළා. මිනිසුන් ජීවත් වුණේ පුදුම භයකින්. ඒකට මුහුණ දුන්නු පවුලක් තමයි බ්ලොක් බවර් පවුල කියන්නේ. මේ පවුලේ ඉන්න පොඩි එකා තමයි මරීයා ඕල්ට්මන් (Helen Mirren). හොඳයි, මේ කථාව පටන්ගන්නේ බ්ලොක් බවර් පවුලේ, අඩේලාව, (මරීයා ඕල්ට්මන්ගේ නැන්දා) ක්ලිම්න්ට් නැමැති චිත්‍ර ශිල්පියා චිත්‍රයට නඟන මොහොතේ සිටයි. අඩේලාගේ සිතුවම ඉල්ලා එය අනුමත කර තම අන්තිම කැමැත්ත ලියන ලෙස නාට්සිවාදියෝ ඇයට බල කරනවා. නමුත් කලකට පසු මේ චිත්‍රයට අත් වන්නේද මා පෙර සඳහන් කළ ඉරණමය. මෙය නාට්සි වාදීන් සොරකම් කර ඔස්ට්‍රියාවේම බෙල්වෙඩෙයා චිත්‍රාගාරයට ගෙනියනවා. අවුරුදු කීපයකට පසු මාරීයා ඕල්ට්මන්ට තමාගේ සහෝදරිය මිය යාමෙන් පසු ඇය ගාව තිබූ ලියුම් කිහිපයක් හමු වෙනවා. ඕල්ට්මන් මහත්මිය, මේ ලියුම් ගැන දැනගන්න නීතිඥයෙක්ව තම මිතුරෙක් වන ෂෝන්බර්ග් මහත්මිය මගින් හොයාගන්නවා. ඒ ඇයගේ පුතායි. ඔහු රැන්ඩි ෂෝන්බර්ග්.

මින් පසු ඔවුන් අඩේලාගේ අන්තිම කැමැත්ත සොයාගනියිද? ඕල්ට්මන් මහත්මිය ආශාව අඩේලාගේ චිත්‍රය නැවත ගන්න උත්සහ කරනවා. මෙය සොයාගැනීමට හැකි වේද? තම බලාපොරොත්තු ඉටු වේද? රැන්ඩි ෂෝන්බර්ග් සාර්ථක වේද? මේ හැම දෙයක් ගැනම දැනගන්න දැන්ම ඩවුන්ලෝඩ් කරගෙන බලන්න…

ඔන්න එහෙනම් මම ගියා. ළඟදිම තවත් උපසිරසකින් හමු වෙමු. බයිස්කෝප් එකට යන එන ඔබට ජය…


උපසිරැසි ගැනීම සඳහා මෙතනින් පිවිසෙන්න…


Advertisements

අදහසක් දෙමු.

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )