Mr. Church (2016) with Sinhala Subtitles | අපිට කෝකියෙක් ඉන්නවා [සිංහල උපසිරැසි සමඟ] (27)

කොහොමද ඉතින්? මගේ නම චාලට් මරී බෘක්ස් හැමෝම මට කියන්නෙ චාලි කියල. මට තාත්ත කෙනෙක් නැහැ. මගේ අම්මට පියයුරු පිළිකාවක් තිබුණා. අපිට හරිහැටි සල්ලි බාගේ තිබුණේ නෑ.

කොහොමවුණත් මට පුද්ගලික ඉස්කේලෙකට යන්න පුළුවන්කම ලැබුණා ඒ ඉස්කෝලෙන් මම වගේ අසරණ මුදල් අවශ්‍යතා තියෙන දුප්පත් ළමයින්ව ගත්තු නිසා. වෛද්‍යවරුන් කියලා තියෙන්නේ අම්මා තව මාස හයකින් ජීවිතයෙන් සමුගන්නව කියලයි. හැබැයි මට ඒ ගැන කවුරුවත් කිව්වෙ නැහැ. හරිම අසාධාරණයි නේද? ඔන්න ඉතින් දවසක්දා මම උදේ පාන්දර නැඟිටිනකොට මෙන්න බොලේ අපේ ගෙදරට කළු ජාතිකයෙක් ඇවිත් කුස්සියට වෙලා මොනාදෝ උය උය ඉන්නව. ඉතින් මම කාමරේට දුවගෙන ගිහින් අම්මට මේ ගැන කිව්වා. අම්මා එතකොට මට කිව්වේ ඒ අපේ ගෙදරට ආපු අලුත් කෝකියා, මිස්ටර් චර්ච් කියලා. ඒත් කොහොමද එහෙම කෙනෙක් ආවේ. මම ඒ ගැනත් ඇහුවා එතකොට අම්මා මෙහෙම කිව්වා. රිචඩ් කියල මහත්තයෙක් අපේ අම්මට කලින් ආදරේ කරල තියෙනවලු. ඉතින් මං කල්පනා කරේ ඒත් ඉතින් එයා මගේ තාත්තාවත් නොවුණෙ ඇයි කියලා. බැලින්නම ඒ වෙනකොටත් රිචඩ් විවාහක කෙනෙක්ලු. අම්ම ඒක දැනගත්තට පස්සේ රිචඩ් එක්ක තිබුණු සම්බන්ධකං නවත්තලා. ඔහොම කාලේ ගෙවීගෙන යද්දී රිචඩ් මහත්තයා අසනීප වෙලා. ඔයාලා දන්නවද එයා මගේ අම්මට අන්තිමට කිව්ව වචන ටික මොනාද කියල? එයා අම්මට කිව්වලු එයා මැරෙන තුරුත් ඉන් එහාට උපරිමේටත් අම්මව බලාගන්නව කියලා. පස්සේ රිචඩ් මහත්තයා මැරිලා. ඉතින් මට එතකොට තමයි තේරුම් ගියේ මිස්ටර් චර්ච් කියන්නේ අර රිචඩ් මහත්තයා “ඉන් එහාට උපරිමේටත්” කියලා කිව්ව දේ ප්‍රථිපලයක් කියලා. එහෙනම් රිචඩ් මහත්තයායි මාස 6කට ඇතිවෙන්න කෝකියෙක්ව අපිට දුන්නේ. එයා අම්මට ගොඩක් ආදරේ කරල තියෙනවා. දන්නවද? කෝකියෙක් විතරක්ම නෙමෙයි අපේ බිල්වලට, කුලී ගාස්තුවලට, බේත් හේත් වලට යන වියහියදං පියවගන්නත් රිචඩ් මහත්තයා මිස්ටර් චර්ච්ට බැංකු ගිණුමකුත් විවෘත කරල දීලා. ඔය කොයික වුණත් මට නම් ඔය කලු මිනිහව ඇල්ලුවෙම නෑ, මං උත්සහ කෙරුවෙම එයත් එක්ක හිත් නොහොඳින් ඉන්න. හදල දෙන කෑමවත් කෑවෙ නෑ… ඉතින් මේ මාස 6යේ කාලයේ මොන වගේ දේවල් සිද්ධ වෙයිද? විශේෂෙන් අර එපා කරපු මිස්ට චර්ච් එක්ක ඉන්න එක මට මොන වගේ වෙයිද? ඒ මාස 6ට පස්සේ තාත්තා කෙනෙක්වත් නොහිටිය මට අම්මත් නැති වුණාම? ඒ මදිවට අම්මයි මිස්ට චර්චුයි ගොඩක් දේවල් මගෙන් හංගනව, රහස් තියං ඉන්නව. ඒ රහස් මොනාද? මට ඒ රහස් දැනගන්න පුළුවන් වෙයිද? ඒ හැමදේකටම උත්තර දැනගන්න අපේ මේ ජීවිත කතාව නරඹන්න කියලා ඔයාලා හැමොටම මම ආරාධනා කරනවා. මට විශ්වාසයි මේ කතාව පටන්ගනිද්දි ඔයාලා බලාපොරොත්තු වෙන කතාව නෙමෙයි අවසාන වෙද්දි වෙන්නෙ. නොහිතපු දෙයක් වෙයි. ආශ්චර්යක් කිව්වොත් මං හරිද මන්දා? හරිම කුතුහලයකින් කතාව බලන්න පුළුවන් වෙයි..

ඒ චාලි කියපු දේනේ… දැන් මට පොඩ්ඩක් අවසරයි. සැප්තැම්බර් 16 වෙනිදා පළමු වරට තිරගත වුණු මේ චිත්‍රපටය සත්‍ය කතාවක් ඇසුරින් නිර්මාණය වුණු එකක්. අධ්‍යක්ෂණය Bruce Beresford විසින්ද, චිත්‍රපට රචනය Susan McMartin විසින්ද කර තිබෙනවා. අපි කවුරුත් දන්න කියන Eddie Murphy චිත්‍රපටයක අපිට Eddie Murphyව දකින්න ලැබෙන්නේ අවුරුදු 4කට පස්සේ, ඒ වගේම Britt Robertson මෙහි රංගනයෙන් දායක වෙනවා. මෙයානම් මම කලින් දුන්න චිත්‍රපටයේත් හිටියා මතක අැති. Natascha McElhone සහ Xavier Samuel විසින්ද ඉතාමත් දක්ෂ විදිහට ප්‍රධාන චරිත රඟ දක්වා ඇති අතර IMDb 7.7ක ඉහළ අගයක් ගන්න සමත් වෙලා තියෙනව ඒ වගේම දැනට සම්මාන දෙකකට නිර්දේශ වෙලා තියෙනව.මුලින්ම විමාට ස්තුති කරල ඉන්නව මේ චිත්‍රපටය මට ලබා දුන්න එක ගැන. ඒ වගේම සයිට් එක මේ ළඟදි ඩවුන් වුණ වෙලාවේ තමන්ට හැකි විදිහට උදව්වට හිටිය හැමෝටම ස්තුතියි කියන්න මං මේක අවස්ථාවක් කරගන්නවා.

“පොතක් කියවන්න තියෙන්නේ පටන්ගැන්මෙ ඉඳං අවසානෙට…
ඒත් හොඳටම තේරුම්ගන්නෙ අවසානේ ඉඳං පටන්ගැන්මට…”

තවත් උපසිරසකින් හමුවෙමු!

2 nominations. See more awards »


චිත්‍රපටය සහ උපසිරැසි ගැනීම සඳහා මෙතනින් පිවිසෙන්න…


Advertisements

අදහසක් දෙමු.

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )