Rock Dog (2016) with Sinhala Subtitle | ඔබේ ධෛර්‍ය උපදවාගන්න, කෙදිනකවත් නවතින්න එපා… [සිංහල උපසිරැසි සමඟ] (33)

පෙබරවාරි 24වෙනිදා නිකුත් වුණු, Ash Brannon අධ්‍යක්ෂණය කළ, IMDbහි 5.7ක අගයක් ලබාගන්න සමත් වුණු සහ එක් සම්මානයක් සඳහා නාමයෝජනා ලබා ඇති ලස්සන ඇනිමේෂන් චිත්‍රපටයක් තමයි මේ අරගෙන ආවේ.

සුන්දර, හිම ගිරිය කියන ගම බැටළු ජනපදයක්. බැටළුවොන්ගේ සතුරන් වෘකයින්ගෙන් මේ ගම ආරක්ෂා කරන්නේ කම්පා නොහොත් ටිබෙටන් මස්ටිෆ් වර්ගයේ බල්ලෙකු විසින්. බැටළුවන් වැඩකට කියලා කරන්නේ ලොම් නිශ්පාදනය සහ සංගීත වාදනය පමණයි. හැබැයි එයාල වාදනය කරන්න දන්නෙත් එක සිංදුවයි. හෙහ් . කම්පාගේ පුතා තමයි චිත්‍රපටයේ ප්‍රධාන චරිතය බෝඩි. වරක වෘක පහර දීමකට මුහුණ දුන් පසුව නැවතත් වෘක පහරදීමක් සිදු වීමේ අවධානමක් ඇති නිසා කම්පා හමුදාවක් නිර්මාණය කරනවා. ඇත්ත හමුදාවකට වඩා වෘකයන්ට කරන ඇස් බැන්දුමක් කිව්වොත් හරි. මොකද කිව්වොත් බැටළුවන්ව බල්ලන් විදිහට අන්දලා බැටළුවන්ගෙන් තමයි මේ හමුදාව නිර්මාණය කරන්නේ. මේ නිසා වෘකයො භය වෙනව ආයෙත් හිම ගිරියට පහර දෙන්න. කම්පාගේ එකම ආශාව තමන්ගේ පුත් බෝඩිවත් තමන් වගේ හිමි ගිරියේ හොඳ ආරක්ෂකයෙක් කරන්නයි.

පසු කාලීනව කම්පා තමන්ගේ පුතා බෝඩිව පුහුණු කරනවා. එතකොට බෝඩිට හිත එකඟ කරගන්න බැරි වෙන්නේ ගමෙන් ඇහෙන සංගීතය නිසයි, බෝඩි සංගීතෙට ඇදිලා යනවා. මේ සිද්ධිය නිසා කම්පා තීරණය කරනවා, සංගීතය ගමෙන් තහනම් කරන්න. ඊට පස්සෙ ගමේ කිසිම සංගීත වාදනයක් ඇහුනෙ නැහැ. ඔය විදිහට කාලය ගත වූ අතර, දවසක් නොසිතූ විදිහට, බෝඩි ළඟට ගුවන් යානයකින් බඩු වගයක් වැටෙනවා. එතන රේඩියෝවකුත් තියෙනව. ඒකෙන් බෝඩිට ඇහෙන්නේ, සුපිරි රොක් තරුව ඇන්ගස් ස්කැටර්ගුඩ්ගේ හඬ. ඔන්න ඔතනදි තමයි කතාවේ හැරවුම් ලක්ෂය සිදු වෙන්නේ… ඇන්ගස් කියන දේවල් නිසා බෝඩිගේ හිතේ ඇති වෙන එකම ආශාව නගරයේ ඇති Rock and Roll (රොක් ඇන්ඩ් රෝල්) උද්‍යානයට ගිහින් රොක් සංගීතඥයෙක් වෙන එක. මේක කරන්න බෝඩි ඕනම අභියෝගයකට මුහුණ දෙන්න සූදානම් වෙනව. සංගීතය තහනම් කරලා කාරණය නිසා මේ තීරණයට බෝඩිගේ තාත්තා කැමති වෙන්නෙ නැහැ. පටන්ගන්න ගිය තැනම අභියෝගයක් නේද? මේ අභියෝගය බෝඩි ජය ගනීද? එයාගෙ හිතේ රැව් පිළි රැව් දෙන හඬ හිමි ඇන්ගස් ස්කැටර්ගුඩ්ව මුණගැහෙන්නවත් බෝඩිට හැකි වෙයිද? Rock and Roll උද්‍යානයට ගොස්, රොක් සංගීතඥයෙක් වෙන හීනය බෝඩි සැබෑ කරගනීද? ඒවා දැනගන්න කුතුහලය, සතුට, හාස්‍ය, සංගීතය ඉතාමත් ලස්සනට ගබඩා කර ඇති, මේ නියම ඇනිමේෂන් චිත්‍රපටය බලන්න.

අවසන් වශයෙන් උපසිරසත් ඩවුන්ලෝඩ් කරගෙන අදහසක් දක්වලා යන්න මැලි වෙන අයට පුංචි දෙයක් කියන්න කැමතියි, උපසිරස ලැබෙද්දී අඩුමගාණේ ස්තුතියි කියලවත් කියලා යන්න කට්ටියගේ උපසිරසවලට… නිකං ලැබෙන දේ අගය කරමු… ඉස්සර වගේ දැන් උපසිරස නිකුත් කරන්නේ නැති බව පේනව ඇතිනේ. උපසිරසකරුවොත් දැන් ගොඩක් දුරට අඩු වෙලා. පුරුද්දට උපසිරස කරන අය නිසා තමයි උපසිරස නිකුත් වෙන්නේ. ඒකත් ගොඩක් හොඳයි කියලා සැළකෙන ටීවීවලටයි ෆිල්ම්ස් වලටයි… හැබැයි උපසිරසක් පරක්කු වෙද්දී ඒ අදහස් නොදක්වන ඒ අයම….. ඒ ගැන අපි කතා නොකර ඉමු. 🙁 ඔව් ඒක කණගාටුවට කරුණක් තමයි. මෙහෙම ගියොත් ඉස්සරට සුපිරිම සුපිරි ෆිල්ම් ටිකක් උපසිරස විතරක් අඩවියෙ පළ වෙයි. ඒකට කවුරුත් මම ඇතුළුව කැමති නැහැනේ?

හැබැයි ඉතින් කමෙන්ට් දාන්න දාන්න ඔයාලට උපසිරස වැඩි වැඩියෙන් ලැබේවි…ඒකයි උපසිරසකරුවෙක් ලැබන සතුට, ලබන වැටුප. එහෙම වුණොත්නම් ඉස්සර වගේ නැවතත් ඉංග්‍රීසි උපසිරස එන්නත් කලින්, ෆිල්ම් නිකුත් වෙන සැණින් එසැනින් නිවැරදි උපසිරස ලැබෙයි… ඒ බව අමතක කරන්නත් එපා..


සිංහල උපසිරැසි ගැනීම සඳහා මෙතනින් පිවිසෙන්න…


One thought on “Rock Dog (2016) with Sinhala Subtitle | ඔබේ ධෛර්‍ය උපදවාගන්න, කෙදිනකවත් නවතින්න එපා… [සිංහල උපසිරැසි සමඟ] (33)

අදහසක් දෙමු.

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s